غزل عراقي قصير باقة متميزة من الرسائل والكلامات الرومانسية عن الحب والعشق والغرام بللهجة العراقية العامية. شعر غزل عراقي قصير للحبيبه راقي ورومانسي جداً
شعر شعبي غزل عراقي قصير :
لاتحزن بعد وتبچي على الراح
وعوف ادموع عينك لا تبديهه
ووگف على الجرح لاتصرخ وياه
وراح اكتب قصيدة والك اهديهَ
مدينة الم روحي لاتظــن ترتاح
وانه ابن المدينة وتيهت بيه
يل عندك جرح وتگلي مجروح
انه جروحي فاضت وين اودّيه
فـاهي اللـيل يمـهم حتـى مابي لـون
ولا بـي طيـف يرهـم عالجـفن رسـمه
ماصـخ مسـتحاهم وآني مالـح طيــب
اليتبده وي غيــري بـروحـي مالمـه
بيها آعــناد روحــي وي الهـوى من يفوت
اذا يثـكل علـيّ لو مــوت مــا شمه
إقرأ أيضا: غزل عراقي رومانسي شعر وخواطر راقية
اليذكروني عفتهم لجل شوكي وياك
واني اتذكّرك وانت الي ناسيني
بايعني برخص واني بغلاة أشريك
مو انت الگلت بالروح تشريني ؟
روح وداعت الله بس أگلّـك ها
الي رب كريم الصبر ينطيني
هاك أخذ جرحك بعد ما أشتهيك
وكلمة انه اهواك تحچيها
وبس أوخر عنك اسنينك تطيح
اسنين عمرك .. عمري لمتجيها
ابگـاع خدينك أنه العاكس ضواي
آبمعنى آخر …….. انه لمحليها
ذكرياتك صارن … الطف ويزيد
حيل اكرهك من يمر طاريها
أقبل رجعتك بس عندي كومه شروط
أولهن تردلي سنين محسوبه
وثانيهن شبابي الهدر بين أوراق
وسهر ذيـچ الليالي المالهن حوبه
وثالثهن دموعي الصبّن بفرگـاك
على كل دمعه أفصلك فصل منهوبه
ورابعهن تروح تسكّت الشّمات
وتگلّهم حيل أحبّه وأبقه محبوبه
انا عيوني تسولف عالغرام ويّــاك
ومن عيوني أعرفك تفتهم قصدي
ما أحب الوكت لو خلص بلــيّاك
بالقرأن محد حبك بگـــــدي
وإذا تنساني صدگ آني ما آنساك
لأنْ غيرك محب بالدنيا ماعندي .
عرض المزيد من خلال الصفحات التالية
غزل عراقي قصيرغزل عراقي قصير
مو كل اليحب آيعيش فرحان ..
اكو واحد يحب بس هو يائس
واكو لمن يحب آيصارع الموت ..
ميهمه يصارع ألف فارس
ينشدونه آعله قيس وليلى كل يوم ..
أشو محد ذكر بالعشــگ عابس
تعال وياك أخذني وخـــــل نروح آبعيد
ونعيش الفرحه كافي وخل نعوف الهـمّ
تعبنه الوكــــــــــت والقدر بينه يدوس
مجروحين آحنه والجرح يلجـــــــــــم
محد بينه داري وعذبانـــــــه الحــآل
وألك هذا الحچـي يـلّ وحــــدك آلتفهم
كل شي يخـون بينه لكن انّـه ويّـــــآك
أبد منخون حبنه وربك اليعلـــــــــــــم
إقرأ أيضا: شعر حب باللهجة العراقية قصير يذوب القلب
غزل عراقي قصير
تعال ولا تظني عليك زعلان
چا هو الگلـب من نبضه يزعل
صدگني أبد ما همني الصار
ولا زهرة محبتك عندي تذبل
مو انه دفنتك حدر العيون
أشوفن بيك ساعه وبيك آندل
عذبني هواك ومرمر الروح
وآگـولنّ ما يهم هو يتدلل
*****
يدك براس حبك يزغيرون
وآحن لحرورتك حنين النوك
حقي ارتبك ووگوع من أﻻگيـك
رمش عينك يفهي العدهن الطلوك
الشمس شتعودلك شويچوي ملكاك
دفؤ زنودك على المستبرد يلوك
حايط بابكم معذور إذا طاح
الله يساعده بكل لحظه مدگوك
ليش تبچـي …. الناس أجو سألوني
جاوبتهم …. هذا حظ آعيوني
گالــــوا آضحك …
عوف دمعك …
حيل آضحك …
خل نسمعك …
توني أجيت اضحك .. واجو بچوني؟؟
روووووح گتلك ليش أخذت حچايتي !!!!!!
سوالفك والليل سلبن رااااحتي
دمعي طاح وعاذرك
ومن اصلي الخاطرك
(هيچ أگولن ربّـي رجعه بداااعتي
إنخاف ما نحچي الحقيقه
أيعـذرونه أيجوز
بأنواع العقاب
أنخاف لو مطنه اللثام
أنروح بيها
لو كشفناه النقاب
سافرينه وأحنه مجبورين
لا بد أن نسافر
أنجبرنه أعلى الغياب
سافرينه أويانه أخذنه
ذكرانه مليانَـه حزن
ومجسّــمه بصورة عذاب
الله مايهديچ وتحبيني
أستحي من الشيب خليتني
من أشم عطرچ عشر مرات أموت
عا لجمر مشلول مشـيتيني
الله ميهديچ وتحبيني
ﻻ تحچي بعنف من تنصح الناس
آبدي بعيب نفسك يلّـه تتكلم
الگدامك بشر مو كومة آحجار
لذلك من تجرحه تشوفه يتألم
آبدي بكلمة طيبه ورقّـة واحساس
حتى يحب حديثك ومنّـه يتعلم .
آني ما أخون ربعي
حتى لو خانو
وإذا هين عليهم
هم ما هانو
چانو على الاقل
ذاك الوكت زينين
وراح اسكت
لخاطر كلمه
الچانو
إقرأ أيضا: مسجات حب عراقية راقية جديدة و رومانسية
قصائد شعر غزل للحبيب والحبيبة
ما أجيك ولا تجيني ولا أجيك
يل بعتني الوكت غشاني بيك
لا وحك كل دمعة نزلت ماأجيك
وما أبيعك مو لأن غالي الثمن
ومولأن اني أحبك بس افكر
من ابيعك راح اغش اليشتريك
احبك حب ولامر على أنسان
وتدري شكد احبك راح افهمك
حلمت انة بالجنة وانت بالنار
اكفر كمت حتى انتقل يمك
موبس اني اذوب واخدر عليك
من احلم بيك حتى فراشي يخدر
منو الكال الكمر يفتر على الكاع
الكمر شافك حلو وكام يفتر
على نار انتظر ومتاني الاحباب
وندك باب بيتي والكلب ذاب
طلعت للباب عود الباب افتحة
لكيت الباب طالع فاتح الباب
حبك مو لأن انت حلو…لا
لأن روحي التقت گبلي… ولك بيك
اذا إنت تمُّر عا الأعمى يصيح الله
والأخرس لـَّون حاچيتة يحاچيك
أذب گلبي إعلى سهمك وآنه مجروح
واگلك دير بالك اخاف أأذيك
إجرَّحني ولك بس كون عالكيف
لأن إنت ويَّـه دمي وخاف أبديـِّك
إجرحني ولـك بس كون ماموت
حتى مـِّن يتهموَّنك أبريّك
فديت عيونك الحلوات
فديت كلبك لدافي
يااحلى بشر بهذا الكون
يااحلى من لعسل صافي
اتمنه بحظاني اضمك حيل
وخلي شفافك عل شفافي
وبظلمه نكعد بس انه وياك
وماريد ضوه خل لضوه طافي
وحجيلك قصص حب وغرام
وتظل بحظاني نايم وغافي
اجمل اشعار غزل عراقي قصير
كاعد يمي اشوفك ايد فوك الايد
ومفتون بجمالك والكلب يسعر
تكَرب يمي خدك وانه اكلك روح
اخافن بس ابوسك يصعد السكر
كون بگلبي تدري اشيحمل اسرار
وكونك تفهم بنظرات العيون
ليش آنه من اشوفك اشتعل نار
گوم الحگ عليه وشوفني شلون
احبك .. وآنه باقي وياك محتار
شفت اعيونك آنه .. وصابني اجنون
ولك گلبي گلب .. مو كومة احجار
ومن حقي آنه اگلك .. بيك مفتون
بارد لشوكت .. مره انگلب حار
وچويني واگلك آني ممنــــــــــــون
لو تعلمين كم أحبك
وكم أغار عليكي
اغار عليكي
من احلامى
من لهفتى واشتياقى
ومن خفقات قلبى
اغار عليكي
من لحظة صمت بيننا
قد تبعدك بافكارك عنى
أغارعليك
من لفتة نداء
قد تبعد عينيك عن عيونى
أغار عليكي
من كل كلمة تقوليها
إذا لم أكون انا
حروفها و ابجديتها
اهيم بشوك وصلك وانثر الروح
وعلة اشفافك ثلج من تنزل اشفافي
واعض اشفاف حسنك واشتعل نار
وكطعهه بصدك ياكلمة الكافي
لمستك **ت بيدي وذوبت الاشواك
الطريق اطويل اكعد تعبت اجتافي
واحس رجفة ابغرامك والكلب عطشان
اريد اشبع وحسن بيك متعافي
واريد بايدي اجتفك تنسجن بحساس
وعلة اوصافك اريد اطبعهه لاوصافي
وبادلني بغرامك خل اهيما بيك
بس اكعد حبيبي وانتة الك صافي
إقرأ أيضا: شعر رومانسى قصير وجد مؤثر “الجديد” كله حب وغزل
باقة من الشعر العراقي
انته النفس والروح من جسمي قطعه****والكلب لو ينساك من صدري اشلعه
صاير طبع بالناس تنسه اليبعدون **** بس أنا ماأنساك لو تعمه العيون
لاتظن وانتته بعيد ميهمني امرك **** ثق واعتقد بالله كل ساعه اذكرك
الخوه مو بالعدد الخوه رفعه راس يوسف اخوته اثنعش وحسين بس عباس
ألصحبه صحبة موت لتظن اعوفك**ما تدري انه اشلون مشتاق اشوفك
ملح وشكر مخبوط وأشلون أصفيك**بين الجمال أحتار وبين ألوفه البيك
غربلت كلمن جان الخوه راقي**عاينت بالغربيل بس انته باقي
اشكثر عندي إعزاز بعيوني ذني**بس انته اعز الناس حتى اعز مني
لاتظن مثل الناس فد يوم اعوفك**كعبه وصرت للروح كل ساعه اطوفك
هم إنا أهم بالروح وكل همه ببكم **يمته إنا وكتي وياك ينصح واجيكم
لاتخسر السنتات جاوبني ترميش**حبك نبت بحشاي فلشني تفليش
ورطه الزمان اشلون ورطني وياك**لا ادكر أوصل ليك ولأكدر أنساك
لأدكه لاترميش جا شنو فلمك**دزلي رسالة بساع لا امسح اسمك
عذبني هذا الكلب يلهج بذ****م **ودكا ته صارت شعر تلهج بذ****م
شعر غزل عراقي قصير
يمكم تريد الروح تسكن وترتاح **بس وسفه عل النقال مايرسل أرواح
فشله اليكول احاه من كسر العظام**احاه وجعهن حيل كسرات الأيام
دك روحه ست دكات ونكلب هزاز**نقالي هم شيطان يعرفهم إعزاز
كل الهواتف ترن بس هاتفك مايرن*مدري خلل بالشحن مدري الكلب مايحن
منزلك وسط الروح ياشمعة العين**ومن يخطر يحميك مولانه الحسين
انخاني شوف اشلون راح أنتخيلك**أتعكز اعلى ضلوع صدري وأجيلك
فضلك جبير أهواي وأشلون أجازيك**وردت الله للكلفات سالم يخليك
ياذهب مانساك لو تعمه العيون**ونص أهل بغداد فدوه إلك يرحون
مو بس أهل بغداد الحلة والكوت**خايف عظم فركاك يكطعلي البتوت
بعمري اشتري الطيبين واطلب رضاهم**وأتمنه روحي أتصير نجمه بسماهم
بنيان إلك بالروح ساف اعلى من ساف**والكلب غيرك دوم لأحب ولأشاف
لو راح عطر الورد عطرك يضل يفوح*ولو طال بينا البعد ساكن تضل بالروح
بنيان إلك بالروح بعلو الثريا**كل ما اكرب اعليك تبعد عليه
يالتنشد على الحال حالي إنا تلفان**كلبي من الضيم شيب والإحزان
حاير شحط للروح ومنعها منكم **صبح وعصر وغروب تسألني عنكم
حسدوني عندي اخوان مابيهم احنان**بس بل اسم خوان بلغدر ربحان
اربح وانا الخسران كل البنيته**يم خرب الطيبين صارت وصيته
شامت يشمر النار يكطف عداوه**ماعندي كلشي وياه زاهي بنقاوه
كلام رومانسي عراقي
- قالت و في حديث عيناه ألف الف غزل بغدادي ويا ويلتاه من حديث شفاهه.
- كُوني كالورد يموتُ، و لكنه لآ يطلبُ من أحد أن يسقيه.
- عيونچ جنة بغداد و بهجة الموصل مكحلة بدجلة ومكللة بالفرات.
- و حك الله و كتابه و الرسل وياه حبيتك صدوك بس انته ما حسيت.
- حبك صابني بادمان ترضاها انتحر.
- بعدني اشتاك و ادعيلك بعدني لهسه اغنيلك بعدني من اكعد لوحدي مكان بصفي اخليلك.
- كالولي أكتب عالفرح بس ما رضيت أيصير أكتب عن شخص ما شايفه.
- شنسى منك و ذكرياتك تارسه البال.
- كل ما تنرفع تنباس يا روحي عطرج أحلى من الورد و إلياس مثل حبة الحرمل بس للحسد مضموم.
- يحچولي عنچ بالعرس كالولي تركص حافية عفتيني و أني بوكت عايف عليچ العافية.
- شهالجمال البيك عمي انت بلوة هم طول..هم عيون..هم ضحكة حلوة.
- اتمنى بكل لحظة تعدي و انت يمي و بين ايدية عيد الحب يا عمري اوعدك.
- كان الجمال ينمو في داخلها دون إستئذان، إلا طولها لم يعرف النمو إليه سبيل.
- بعدني أشتاكلك و يهزني طاري الشوك و تكتل عازتك بس ما كلت معتاز.
- دواي و مشتهيك و المرض مابيه عيب.
- كلمة و مني سمعيها اريدج بس تفهميها احبج ما احب غيرج مثل ترجية لبسيها.
